SOCAR-ın şərti öhdəliklər riskləri neft hasilatının itkisiz qiymətinin aşağı olması (bir barelə görə ortalama 15 ABŞ dolları) ilə yumşaldılır.

Valyuta.az-ın "APA-Economics"ə istinadən verdiyi məlumata görə, bu barədə "Fitch Ratings" beynəlxalq reytinq agentliyinin analitikləri bildirir.

Qeyd edək ki, Beynəlxalq Valyuta Fondunda görə, Azərbaycan üçün 2021-ci ildə bir barel neftin fiskal itkisiz qiyməti ("fiscal breakeven oil price" – red.) 82,5 ABŞ dolları, 2022-ci ildə isə 66,4 dollar təşkil edəcək.

Xatırladaq ki, SOCAR-ın hesabatına görə, 2019-cu ildə 1 ton neft istehsalının maya dəyəri 123,82 manat (bir barel üçün təqribən 10 dollar – red.) təşkil edib, bu da 2018-ci ilin göstəricisi ilə müqayisədə 5,84 manat və ya 4,9% çoxdur.

Azərbaycanın 2021-ci ilin dövlət büdcəsində neftin bir barelinin qiyməti 40 dollar nəzərdə tutulub.