Mərkəzi Bankın açıqladığı məlumata görə, bu ilin oktyabrında bank tərəfindən xarici valyutada dövlət xərclərinin (dövlət layihələri və tədbirləri, müdafiə, xarici valyutada öhdəliklərin azaldılması və digər strateji əhəmiyyətli) icrasına dəstək məqsədilə 424 mln.ABŞ dolları məbləğində xüsusi satış olub. 

Bildirilib ki, ötən ay Mərkəzi Bank tərəfindən xarici valyutada dövlət xərclərinin (dövlət layihələri və tədbirləri, müdafiə, xarici valyutada öhdəliklərin azaldılması və digər strateji əhəmiyyətli) icrasına dəstək məqsədilə 424 mln.ABŞ dolları məbləğində xüsusi satış olub. Bununla da, Mərkəzi Bankın valyuta ehtiyatları 10 ayda 241 mln. ABŞ dolları azalıb.

Mərkəzi Bankın valyuta ehtiyatının azalmasının Azərbaycan iqtisadiyyatına hansı təsirləri ola bilər?

Mövzu ilə bağlı Valyuta.az-a danışan iqtisadçı Xalid Kərimli bildirib ki, Mərkəzi Bankın valyuta ehtiyatlarının artması və ya azalmasının iqtisatiyyata təsirləri olmur:

“Mərkəzi Bankın ehtiyatlarının azalmasının iqtisadiyyata mənfi təsiri yoxdur. Yalnız psixoloji təsiri ola bilər. Belə ki, vətəndaşlar bu vəziyyətdən narahat ola bilər. Düşünülə bilər ki, Mərkəzi Bankın ehtiyatları azalıb, dollar satışı çoxalıbsa, deməli dollara tələbat yüksəkdir. Onlar düşünə bilər ki, bazarda dollar çoxdur və bu da dolların bahalaşmasına səbəb ola bilər”. 

Xalid Kərimli qeyd edib ki, Mərkəzi Bank bu prosesə başlamazdan öncə elan etmişdi ki, dövlətin Qarabağdakı layihələr, COP29-la bağlı xərcləri var, ona görə də bu tələbləri ödəmək üçün müvəqqəti inteqrasiyalar edəcək.:

“Bunun isə ciddi surətdə valyuta gəlirlərinin azaldılmasına və ya tədiyyə balansına mənfi təsiri yoxdur. Nəzərə alsaq ki, tədiyyə balansı hələ profisitli deyil, ona görə də bu baxımdan Mərkəzi Bankın indiki ehtiyatının azaldılması iqtisadiyyata sırf psixoloji, vətəndaşlara dolların bahalaşacağı ilə bağlı tədirginlikdən başqa təsir etməyəcək. 

Bu məsələlərin real iqtisadi proseslərə təsiri olmayacaq. Hələ ki neftin qiymətləri yüksəkdir, yaxın aylarda belə bir risk yoxdur, ona görə də hansısa ciddi mənfi təsirlərini gözləmirəm, Mərkəzi Bank bu pulu zaman-zaman iqtisadiyyatdan, hərraclardan, cammatdan toplayıb, ona görə də burdakı tendesiyalar ciddi problem yaratmayacaq”. 

Davud