“Böyük Qayıdış prosesinə ayrılan büdcə xərclərinin əhəmiyyəti böyükdür”

Bunu Valyuta.az-a açıqlamasında iqtisadçı ekspert Eyyub Kərimli Maliyyə naziri Samir Şərifovun gələn il büdcənin 70 faizi sosial proqramlara yönəldiləcək fikirinə münasibətində deyib. O, bildirib ki, işğaldan azad edilən ərazilərdə böyük infrastruktur layihələrinin həyata keçirlməsinə ehtiyac var:

“Bunların hər biri həyata keçiriləcək. Bu günə kimi 7 milyarada yaxın vəsait xərclənib. Növbəti ildə 2 milyard yarıma yaxın vəsaitin xərclənməsi nəzərdə turulub. Həm infrastruktur, həm sosial layihələrin həyata keçirilməsi, həm nəqliyyat və kommunikasiya xətlərinin çəkilməsi, sahibkarlara verilən güzəştlər, sahibkarlıq subyektlərinin yaradılması və s. layihələr Böyük Qayıdış prosesində əhalinin sosial rifahına müsbət təsir edəcək, məşğulluq prosesini sürətlənsirəcək. Yeni iş yerlərinin açılmasına dəstək olacaq. Belə olan zaman Böyük Qayıdış prosesi daha da sürətlənəcək”.

Eyyub Kərimli qeyd edib ki, həmin ərazilərdə sosial obyektlərin-xəstəxana, təhsil müəssisələrinin tikilməsinə ehtiyac var:

“Büdcədə nəzərdə tutulan vəsaitlərin qismən və dolayısı ilə sosial xərclərin bir hissəsi də bu istiqamətdə işğaldan azad edilən bölgələrə yönələcək”.

Qeyd edək ki, Maliyyə naziri Samir Şərifov Milli Məclisin Gənclər və idman, Əmək və sosial siyasət, Regional məsələlər, Aqrar siyasət, Təbii ehtiyatlar, energetika və ekologiya komitələrinin birgə iclasında bildirib ki, gələn il büdcənin 70 faizi sosial proqramlara yönəldiləcək.

Aylin