Bir neçə gün əvvəl Rusiyada Karantin Fitosanitar Nəzarəti Xidmətinin (“Rosselxoznadzor”) Moskva regional idarəsi 2023-cü il iyulun 8-də Azərbaycandan aparılan və çəkisi 16 ton olan təzə pomidorda Avrasiya İqtisadi İttifaqının ərazisində olmayan Cənubi Amerika pomidor güvəsi (Tuta absoluta) zərərli orqanizm aşkar edildiyinə görə geri qaytardığını bildirib.

Nədir bu Cənubi Amerika güvəsi, bu güvə insan orqanizmi üçün həqiqətən zərərəlidirmi?

Valyuta.az məsələni Liberal İqtisadçılar Mərkəzinin sədri Akif Nəsirli ilə müzakirə edib. 

Akif Nəsirli bildirib ki, Cənubi Amerika güvəsi pomidordan qida kimi istifadə edən əhali üçün təhlükəli deyil: 

“Bu güvənin yumurtaları pomidorun üzərində olur, onlarda yuyulan zaman təmizlənir. İnsanalara elə bil ziyanı yoxdur. Sadəcə bu güvəyə yoluxmuş pomidorlar hansısa ölkəyə daxil olursa, onun zaman-zaman pupları açılır, kəpənəklərə çevrilir, gedib pomidor sahələrinə zərər vurur. Sahələrdəki pomidorların, şaxını, budağını, yarpağını, yetişməmiş meyvələrini yeyərək fermerlərə ziyan vurur. Azərbaycanda hələ belə bir hala rəst gəlinməyib ki, ölkədə pomidor sahələrinə Cənubi Amarika güvələri ciddi ziyan vursun. Lakin bu zaman-zaman Rusiyada, Avropada fermerlər bu yoluxmalardan əziyyət çəkib”.

Akif Nəsirli deyir ki, Rusiyanın Fitosanitar Nəzarət xidməti müxtəlif vaxtlarda Azərbaycandan gedən pomidorlarda bu “güvədən” tapa bilir:

“Əgər onlar nəsə aşkarlasaydı, Azərbaycandan idxal olunan pomidorda nitratın səviyyəsi yüksəkdir desəydilər, daha inandırıcı olardı. Hazırda Azərbaycanda pomidorun istehsalında standarlaşmada olan ən böyük problem tərkibində nitratın artıq olmasıdır. Amma səbəb nə olur-olsun, Rusiya Azərbaycan pomidorunu geri qaytararsa, bu daxili bazarda pomidorun ucuzlaşmasına, fermerlərin də ziyana düşməsinə gətirib çıxarır”.

Davud