Azərbaycan kənd təsərrüfatı ölkəsi olsa da, hələ də xaricdən böyük həcmdə quş əti idxal edilir. 2022-ci ildə ölkəmizə 34 min 750,54 ton, bu ilin 5 ayında isə 13 min 199,99 ton belə ət idxal edilib. Kiloqramı 2.3 manata reallaşan bu idxal yerli təsərrüfat məhsullarının satışını məhdudlaşdırır, inkişaf üçün investisiya yatırımlarının qarşısını alır. 

İqtisadçı ekspert Fuad İbrahimov Valyuta.az-a açıqlamasında bildirib ki, 5 amil quş əti idxalının böyük həcmdə olmasına səbəb olub:

“Elə sahələr var ki, yerli istehsalda hələ də qiymətlər xarici bazarlarla rəqabət apara bilmir. Quşçuluq təsərrüfatı da belə sahələrdən biridir. İkinci bir tərəfdən quş əti idxalının böyük həcmdə olmasına bəzi hallarda dövlət sifarişlərilə bağlı idxalın aktual olması da öz təsirini göstərir. Belə vəziyyətin yaranmasında urbanizasiya probleminin təsirləri də vardır. Başqa bir tərəfdən 30 il ərzində 20 faiz torpaqlarımızın işğal altında olması da prosesdə müəyyən problem yaradıb. Ən mühüm amil isə inhisarçılıqla bağlıdır. Bu amil isə elə bir vəziyyət yaradıb ki, qışçılıq sahəsində çalışanlar yem bazasının təmini məsələsində problemlərlə üzləşirlər. Bütün sadaladığım səbəblər quş əti idxalının yüksək olmasına rəvac verir”.

Ramiz