Xızıda yerləşən məşhur “Xan Qəbələ” restoranı cərimələnib. 

Valyuta.az-ın məlumatına görə, restoran rəhbərliyi barəsində Ekologiya və Təbii Sərvətlər Nazirliyinin 4 saylı Regional Ekologiya və Təbii Sərvətlər İdarəsi tərəfindən protokol tərtib olunub. 

Belə ki, “Xan Qəbələ” restoranına baxış keçirilən zaman restoran ərazisindən axıdılan çirkab suları təmizlənmədən və şambo quyusu olmadan Altıağac Milli Parkının ərazisinə axıdılması faktı aşkar olunub. 

Milli Parkın ərazisi xüsusi bölmə ərazidir. Həmin əraziyə çirkab su axıdılıb, üfunət iyi verməsinin qarşısını alınmayıb. 

Su Məcəlləsinə əsasən, çirkab suların kənar əraziyə axıdılması qadağandır. Lakin 7 ay ərzində heç bir tədbir görülüb.

Aşkar olunmuş faktla bağlı iştirakçılarla bir yerdə akt tərtib olunmuş, sonra protokol hazırlanaraq rəhbərliyə təqdim olunub.

Qoruğun rəhbərliyinə irad bildirilib. Məhkəmənin qərarı ilə, “Xan Qəbələ” restoranın sahibi İnzibati Xətalar Məcəlləsinin 262.2.3-cü maddəsi ilə təqsirli bilinib, barəsində 800 manat məbləğində inzibati cərimə tənbehi tətbiq edilib.

Sadiq İsbəndərli