Türkiyə hökuməti koronavirus vaksinləri ilə bağlı yeni yeni kritik qərar verib. 

Valyuta.az xəbər verir ki, 2 dozada peyvənd olacaq şəxslərə karantin qaydaları şamil edilməyəcək.

Xəbər verdiyimiz kimi, bir müddət öncə, ABŞ-ın Xəstəliklərə Nəzarət və Profilaktika Mərkəzi (CDC), hər iki dozada Covid-19 peyvəndi olan Amerika vətəndaşlarının bundan sonra yalnız sosial məsafəyə əməl etmək şərti ilə ictimai yerlərdə maskasız hərəkət edə biləcəklərini bildirmişdi.

Bu gün isə oxşar məlumat Türkiyənin Səhiyyə Nazirliyinin hazırladığı və təqdim etdiyi layihədə öz əksini tapıb. 

Belə ki, Nazirlik tərəfindən bildirilib ki, hər iki dozada Covid-19 peyvəndi olan vətəndaşlar gələcək 3 ay müddətində sosial məsafə və digər gigiyenik qaydalara əməl etmək şərtilə bütün karantin məhdudiyyətlərindən azad ediləcəklər.  

Qeyd edək ki, bu günə olan statistikalara əsasən, dünyada 391 milyon 703 min 396 nəfər peyvənd olunub.

Covid-19 peyvəndi olan şəxslərin statistikası ilə bağlı cədvəli təqdim edirik. 

Kamran Xəlilov
Valyuta.Az