Rusiya Mərkəzi Bankının rəhbəri Elvira Nabiullina ölkədə inflyasiyanın ilkin ssenarisinin izləndiyini bildirib. Hazırda ölkədəki inflyasiyanın ən yüksək - 5,7 faiz həddə olduğunu bildirən bank rəhbəri, bunu gözlənilən proqnozlara uyğun kimi dəyərləndirib.

Valyuta.az SİA-ya istinadən xəbər verir ki, bu barədə rus mətbuatı məlumat yayıb.

E.Nabiullinaya görə, koronavirusun aradan qalxması ölkədə qiymətlərin sabitləşməsinə də kömək edə bilər. Eyni səbəbdən Mərkəzi Bank başçısı əhalidə nağd pulun azalacağını da istisna etmir. Məsələ budur ki, koronavirus dövründə ruslar bir il əvvələ müqayisədə üç trilyon rubl çox xərcləyiblər. Məsələ bundadır ki, onlar bu vəsaitlərin üçdə ikisini pandemiyanın qızğın vaxtında bankdakı hesablardan çıxarıblar.

Nabiullina, 10 minlik əskinas və 50 rublluq sikkənin buraxılışının da hələ planlaşdırılmadığını bildirib. Maraqlıdır ki, bank rəhbəri bunu rusların “dəmir pullara” olmayan marağıyla əlaqələndirib.

Bundan əlavə, Nabiullina, rəqəmsal rublun hazırda aktiv şəkildə inkişaf etdirilməsi ilə yanaşı, onun təhlükəsizliyi məsələlərinə də xüsusi diqqət ayırdıqlarını söyləyib. O, milli virtual valyutanın Mərkəzi Bank tərəfindən zəmanətə götürüləcəyini, bu vəsaitin saxlanıldıqları kredit təşkilatının iflası vəziyyətində belə itirilməyəcəyini bildirib.