Donald Tramp ikinci dəfə ABŞ Prezidenti seçildikdən sonra prezidentlik postuna oturduğu ilk gündən bir sıra mühüm qərarlar qəbul edib.

Valyuta.az-ın məlumatına görə, bu qərarlardan xüsusi diqqət çəkəni Co Bayden dövründə imzalanmış və süni intellekt sahəsində fəaliyyət göstərən şirkətlərin işlərinə dair olan qərarnamənin ləğv edilməsidir.

Ləğv edilən qərarnamənin detallarına nəzər salaq

Co Bayden 2023-cü ildə süni intellekt texnologiyalarına dair ilk rəsmi sənədlərdən birini imzalamışdı. Bu qərarnamə potensial risklərin qarşısını almağı və süni intellekt sahəsində fəaliyyət göstərən şirkətlərin məsuliyyətini artırmağı hədəfləyirdi. Qərarnaməyə əsasən bu şirkətlər öz məhsullarındakı qüsurları müəyyən edib düzəltmək üçün rəhbərlik hazırlamalı və təhlükəsizlik testlərinin nəticələrini əvvəlcə ABŞ hökuməti ilə paylaşmalı idilər.

Trampın qərarı ləğv etməsinin səbəbi nə idi?

Tramp qərarnaməni ləğv etməklə bağlı şəxsən fikir bildirməsə də, onun nümayəndəsi bu barədə açıqlama verib. Bildirilib ki, belə bir qərarnamə şirkətlərin kommersiya sirrlərini ifşa edə bilərdi və bu səbəbdən onun ləğv edilməsi ən doğru addım kimi qiymətləndirilib.

Əvəz Həsənov