ABŞ Məxfi Xidməti yeni seçilmiş Prezident Donald Trampın andiçmə mərasimi üçün özəl şirkət cəlb edib.

Bu barədə TMZ portalı məlumat yayıb.

"Donald Trampın andiçmə mərasimi özəl mühafizə şirkətinin iştirakı ilə keçiriləcək. Məxfi Xidmət andiçmə mərasiminin keçirilməsində köməklik göstərmək üçün “Arcus Group LLC” adlı şirkəti cəlb edib", - məlumatda qeyd olunur.

Şirkətlə 8,1 milyon dollar məbləğində müqavilə bağlanıb.

Trampa qarşı birinci sui-qəsd onun 2024-cü il iyulun 13-də Pensilvaniyada seçkiqabağı çıxışı zamanı baş vermişdi, həmin vaxt o, qulağından yaralanmış, tamaşaçılardan biri həlak olmuş, daha iki nəfər isə xəsarət almışdı.

Trampa qarşı ikinci sui-qəsd cəhdi 2024-cü il sentyabrın 15-də onun Floridadakı qolf klubunun yaxınlığında baş verib.

©Report