Çinin ixracatı ABŞ-ın yeni prezidenti Donald Trampın gömrük vergilərini artırmaqla bağlı təhdidlərinə baxmayaraq, 2024-cü ildə rekord səviyyəyə çatıb.

Valyuta.az xəbər verir ki, Çinin rəsmi yayım qurumu CCTV-nin məlumatına görə, ötən il ölkənin ümumi ixracatı ilk dəfə 25 trilyon yuan həddini aşaraq 25,45 trilyon yuana (3,47 trilyon dollar) çatıb. Bu, əvvəlki ilə nisbətən 7,1 faiz artım deməkdir.

İtxalat isə illik müqayisədə 2,3 faiz artaraq 18,39 trilyon yuana yüksəlib. Ümumi ticarət həcmi isə 5 faiz artışla 43,85 trilyon yuanla rekord səviyyəyə çatıb.

Donald Tramp prezidentliyinin ilk dövründə Çinə qarşı ciddi gömrük vergiləri tətbiq etmişdi. Yenidən seçilən Tramp qarşıdakı həftə Ağ Evə qayıtdıqdan sonra Çinlə bağlı daha sərt vergi siyasəti həyata keçirəcəyini bəyan edib.

Paşa Məmmədli