Rusiyanın "Qazprom" korporasiyası kütləvi ixtisarlara hazırlaşır.

Valyuta.az bu barədə "47News" portalına istinadən xəbər verir.

Nəşrin məlumatına görə, "Qazprom" rəhbərliyi maaş fondu qalan işçilərlə birlikdə 50 milyard rubl təşkil edən min yarımdan çox insanı ixtisar etməyi planlaşdırır.

Qeyd olunur ki, korporasiya rəhbərliyi "Qazprom"un mərkəzi ofisinin işçilərini demək olar iki dəfə - 4100 nəfərdən 2500 nəfərə qədər ixtisar etmək qərarına baxır.

Təklifi "Qazprom"un baş direktoru Aleksey Millerə dekabrın sonunda korporasiyanın idarə heyətinin sədr müavini Yelena İlyuxina göndərib. O, 20 il ərzində "Qazprom" administrasiyasının işçilərinin sayının bir neçə dəfə artdığını və hazırda əmək haqqı fondunun ildə 50 milyard rubl təşkil etdiyini bildirir.

Sərbəst buraxılan vəsaitin həvəsləndirmənin artırılması və kadrların inkişafı tədbirlərinə yönəldilməsi planlaşdırılır.

Paşa Məmmədli