İtaliyanın mərkəzi hökuməti və Siciliyanın regional hakimiyyət orqanları adanı materiklə birləşdirəcək körpü layihəsi üzərində özəl investorlar və mühəndislik şirkətləri ilə razılığa gəliblər.

Valyuta.az xəbər verir ki, Messina boğazı üzərindən ən dar hissəsində körpü ideyası Roma İmperiyasına gedib çıxır. Lakin 19-cu, 20-ci və 21-ci əsrlərdə çoxsaylı layihələrə baxmayaraq, körpü heç vaxt tikilməyib.

Siciliyanı materiklə birləşdirmək üçün ən son uğursuz ideya 2020-ci ildə təqdim edilən sualtı tunel layihəsi olub.

İndi ölkə hakimiyyəti körpü ideyasına qayıdıb. Onun təxminən 3600 m uzunluğunda asma körpü olması planlaşdırılır, buna görə də dünyanın ən uzun asma körpüsü olacağını vəd edir.

Plana görə, körpü 7,5 bal gücündə təkanlara və 300 km/saat küləyin əsməsinə davamlı olmalıdır. Körpü üç avtomobil zolağından və dəmir yolundan ibarət olacaq. Layihənin müəllifləri körpünün saatda 6 minə qədər avtomobil və yük maşını və gündə 200-ə qədər qatarı daşıya biləcəyini gözləyirlər. Tikinti təxminən altı il çəkəcək. Layihənin dəyəri 4,6 milyard avro təşkil edir.

Paşa Məmmədli