Dolların dünya valyuta ehtiyatlarındakı payı son 30 ildə ən aşağı səviyyəyə düşüb. 

Valyuta.az xəbər verir ki, bu barədə "RIA Novosti" Beynəlxalq Valyuta Fondunun (BVF) məlumatlarını təhlil edərək məlumat yayıb.

2023-cü ilin üçüncü rübündə - iyul-sentyabr aylarında ABŞ valyutasının beynəlxalq ehtiyatlardakı payı azalaraq 57,4%-ə enib. Bu, 1995-ci ildən bəri ən aşağı göstəricidir. Dollarla yanaşı, İsveçrə frankının da payında azalma qeydə alınıb.

Bu vəziyyətdən ən çox avro faydalanıb. Üçüncü rübdə avronun dünya rezervlərindəki payı 19,75%-dən 20,02%-ə yüksəlib. Eyni zamanda, ehtiyat valyutalara aid edilməyən digər valyutaların payı da 0,23 faiz bəndi artıb.

Oktyabr ayında BVF-də Braziliyanın keçmiş nümayəndəsi Paulo Noqeira Batista bəyan etmişdi ki, ölkələr dollardan imtina etmələrinin səbəbini izah edib. Onun fikrincə, ABŞ valyutası təhlükəlidir. Rusiyaya qarşı görünməmiş maliyyə sanksiyalarından sonra bir çox ölkələr dollara alternativ axtarmağa başlayıb.

Paşa Məmmədli