Çin dünyanın ən böyük su elektrik stansiyasının tikintisinə icazə verib.

Valyuta.az xarici mediaya istinadən xəbər verir ki, 137 milyard dollar xərclənəcək bu layihə ildə 300 milyard kilovatsaat enerji istehsal edə biləcək. Bu layihə Tibetdə Yarlung Zangbo çayı üzərində tikiləcək.

Hazırda dünyanın ən böyük su elektrik bəndi Çində yerləşən “Üç dərə bəndi”sir. Açıqlamalara görə, yeni layihə bu bənddən 3 dəfə çox enerji istehsal edə biləcək. Yeni layihə ilə ildə 300 milyard kilovatsaat (kVt/saat) enerji istehsalı planlaşdırılır. Müqayisə üçün qeyd edək ki, Üç dərə bəndi 88,2 milyard kilovatsaat enerji istehsal edir.

Tikiləcək yeni su elektrik stansiyası çox baha başa gələcək. Stansiyaya qoyulan ümumi investisiyanın 137 milyard dollara çatacağı deyilir. Bunlardan başqa, on minlərlə insan işlə təmin ediləcək.

Əvəz Həsənov