Fransanın "BNP Paribas" bankı və AXA sığorta şirkəti uzunmüddətli əməkdaşlıq müqaviləsinin imzalandığını elan edib. 

Valyuta.az xəbər verir ki, bu müqaviləyə əsasən, bank sığorta şirkətinin müştərilərinin aktivlərinin idarə edilməsi üzrə bütün öhdəlikləri öz üzərinə götürəcək.

Sövdələşmənin bir hissəsi olaraq, BNP AXA İnvestisiya Menecerlərini (AXA IM) alır və eyni zamanda biznesə uzunmüddətli investisiya qoymağı öhdəsinə götürür. AXA IM-nin geri alınmış səhmləri də daxil olmaqla, əməliyyatın məbləği 5,1 milyard avro təşkil edib.

AXA-nın press-relizində qeyd edilir ki, əməliyyat bağlanarsa, Avropada ən böyük aktivlərin idarə edilməsi fondlarından birini yaradacaq. "BNP Paribas" AXA IM-i aldıqdan sonra təxminən 1,5 trilyon avro dəyərində aktivləri idarə edəcək. Tərəflər müqaviləni 2025-ci ilin ortalarına qədər bağlamağa ümid edirlər.

Paşa Məmmədli