Bir sıra aparıcı investisiya banklarının analitikləri Çin yuanının dollar qarşısında məzənnəsinin yaxın aylarda rekord həddə düşə biləcəyini gözləyirlər. 

Valyuta.az CNBC-yə istinadən xəbər verir ki, bunun əsas səbəbi kimi investisiya bankirləri ABŞ-ın bu yaxınlarda seçilmiş prezidenti Donald Trampın həm siyasi, həm də ticarət əlaqələri sahəsində Çinə qarşı mövqeyini hesab edirlər.

Telekanalın 13 maliyyə şirkəti və təşkilatı arasında apardığı sorğuya əsasən, bu ilin sonuna qədər yuan dollara nisbətdə ucuzlaşacaq, məzənnə indiki 7,2 yuan/1 dollardan 7,3/14 dollara yuana düşəcək. 

Amortizasiya 2025-ci ildə də davam edəcək - orta proqnoza görə, gələn ilin sonuna kimi 1 dollar artıq 7,5 yuana çata bilər. Bəzi analitiklər, məsələn, "BNP Paribas" və ya "Capital Economics" məzənnənin 1 dollar üçün 7,7 yuana və hətta 1 dollar üçün 8 yuana çatacağına inanırlar.

"ABŞ-ın tətbiq etdiyi yeni idxal rüsumları, bütün başqa şeylər bərabər olmaqla, dolların məzənnəsinin artmasına səbəb olur. Amerika Birləşmiş Ştatları ilə ticarət əlaqələri ilə ən sıx bağlı olan ölkələrin valyutaları əhəmiyyətli dalğalanmalara məruz qalacaq", deyə CNBC "Capital Economics"in iqtisadi bazar təhlili direktorunun müavini Yonas Qoltermanndan sitat gətirir.

Paşa Məmmədli