Milyarder "Elon Mask" üçüncü dünya müharibəsi risklərini "Donald Tramp"ın (Donald Trump) prezidentliyi ilə əlaqələndirib.

Valyuta.Az xəbər verir ki, o, sosial şəbəkə "X"də (əvvəllər "Twitter") qeyri-adi bir illüstrasiya ilə paylaşım edib.  

Mask insan beynini və uçan gülləni təsvir edən iki şəkil paylaşıb. İlk şəkildə güllə beyinə dəyir və altında “Üçüncü dünya müharibəsi” yazılıb. İkinci şəkildə isə güllə qulağa toxunaraq beynin yanından keçir və altında “Marsın kolonizasiyası” ifadəsi qeyd olunub.  

"Tesla" və kosmik şirkət "SpaceX"in sahibi, görünür, ABŞ-ın seçilmiş prezidenti "Donald Tramp"a edilən sui-qəsdə işarə edib. Həmin vaxt siyasətçi qulağından yaralanmış, güllə başından bir neçə santimetr aralı keçmişdi. Mask dəfələrlə bildirib ki, insanlıq yalnız digər planetləri mənimsəməyə başlayacağı təqdirdə sağ qala bilər. Milyarderin fikrincə, "Tramp"ın seçilməsi qlobal münaqişədən qaçmağa və kosmosun fəthində yeni imkanlar yaratmağa səbəb ola bilər.  

Rəhim