Avstraliya parlamentində 16 yaşdan kiçiklərin sosial media istifadəsini qadağan edən qanun layihəsi müzakirəyə çıxarılıb. 

HƏMÇİNİN BAX: Avstraliya 16 yaşdan kiçik uşaqlar üçün sosial medianı qadağan etməyə hazırlaşır

Valyuta.Az "Reuters"ə istinadən xəbər verir ki, ölkənin baş naziri Antoni Albanizi (Anthony Albanese) bu ayın əvvəlində uşaqların sosial mediadan istifadəsinə məhdudiyyət qoyulması planını təsdiqləmişdi və artıq layihə qanunvericilərə təqdim edilib. 

Sosial medianın gənc nəsil üzərində təsirinə dair narahatlıqlar geniş yayıldığı üçün bir çox ölkə Avstraliyadakı prosesləri diqqətlə izləyir. Çərşənbə günü Birləşmiş Krallıq hökuməti uşaqların smartfon və sosial media istifadəsini araşdırmaq üçün bir tədqiqat başladıb. Ölkənin texnologiya naziri isə Avstraliya tərzi qadağanı tətbiq etmə ehtimalını istisna etməyib.  

Qadağanın tətbiq mexanizmi  

Avstraliyanın bu yanaşması sosial media platformalarını yaş təsdiqi sistemləri tətbiq etməyə məcbur etməyə əsaslanır. Bu, biometrik məlumatların və ya hökumət tərəfindən verilmiş şəxsiyyət vəsiqəsinin təsdiqindən istifadəni əhatə edə bilər. Sistematik pozuntular üçün 32 milyon dollara qədər cərimələr nəzərdə tutulub və məxfilik qorunması "möhkəm" olaraq təsvir edilir.  

Baş nazir Antoni Albanizi bildirib ki, hökumət bəzi uşaqların bu məhdudiyyətləri aşmaq yolları tapacağını anlayır, lakin o, bu "tarixi islahatın" əsas məqsədinin sosial media şirkətlərinə "öz işlərini qaydaya salmaları üçün mesaj göndərmək" olduğunu vurğulayıb.  

Rəhim