"Microsoft"un dəstəyi ilə fəaliyyət göstərən "OpenAI"nin məşhur chatbot xidməti "ChatGPT", minlərlə istifadəçiyə mənfi təsir edən qısa fasilədən sonra yenidən işə düşüb.

Valyuta.Az xəbər verir ki, şirkət bu barədə cümə günü məlumat verib.

""ChatGPT" ilə bağlı problemlər artıq həll olunub," - "OpenAI" öz saytında verdiyi açıqlamada bildirib.

"OpenAI"nin icraçı direktoru Sem Altman "X" platformasında "ChatGPT"nin 30 dəqiqə ərzində işləmədiyini paylaşaraq bir məyusluq emojisi əlavə edib və "Etibarlılıq baxımından əvvəllər olduğumuzdan daha yaxşıyıq, amma qarşımızda hələ görüləcək işlər var," - deyə bildirib.

Xidmət kəsilmələrini izləyən Downdetector.com saytına görə, "ChatGPT" təxminən yarım saat ərzində işləməyib 19,403-dən çox istifadəçini təsir edib.

Qeyd edək ki, 2022-ci ilin noyabr ayında istifadəyə verildikdən sonra "ChatGPT" hər həftə 250 milyon aktiv istifadəçi cəlb edib. "OpenAI"nin bazar dəyəri 2021-ci ildəki 14 milyard dollardan 157 milyard dollara qədər artıb və şirkətin gəlirləri sıfırdan 3,6 milyard dollara yüksəlib ki, bu da Altmanın həmin dövrdəki proqnozlarını xeyli üstələyir.

Rəhim