ABŞ sanksiyaları Rusiyanın Yakutsk LNG qaz layihəsinə təsir edəcək. 

Valyuta.az xəbər verir ki, bu barədə "Reuters" yazıb.

Agentliyin məlumatına görə, ABŞ hakimiyyəti bu həftə Rusiya ilə əlaqəli 400 fiziki və hüquqi şəxsin siyahısını dərc edib. Nəşrin müəllifləri hesab edirlər ki, bu, Rusiyanın qaz sənayesi ilə mübarizədə yeni hədəfdən xəbər verə bilər.

Qeyd olunur ki, sanksiyalara Yakut LNG layihəsində iştirak edən “Power of Yakutia” MMC, “Yakutstroyproekt” MMC və “Liquefied Natural Gas of Yakutia” MMC daxildir.

Bundan əvvəl “Kommersant” “Kpler”in məlumatlarına istinadən yazıb ki, Rusiya oktyabrda 3,06 milyon ton mayeləşdirilmiş təbii qaz (LNG) ixrac edib. Bu, 2024-cü ildə maksimum tədarük həcmidir.

İllik ifadədə Rusiyanın LNG ixracı 2,5% artıb. Üstəlik, oktyabr ayı göstəricisi ötən ilin dekabrında müəyyən edilmiş 3,2 milyon tonluq rekorddan sonra ikinci olub.

Paşa Məmmədli