"Android" mobil əməliyyat sisteminin buraxılışları üçün yenilənmiş yol xəritəsində "Google" "Android 16"nın tezliklə buraxılacağını elan edib. 

Valyuta.az xəbər verir ki, bu barədə rəsmi tərtibatçı bloqunda məlumat verilib.

İstifadəçilər 2025-ci ilin payızını gözləməli olmayacaqlar, çünki yeni "Android 16" 2024-cü ilin ikinci rübündə, ehtimal ki, may ayında keçiriləcək "Google I/O" konfransında təqdim olunacaq.

"Google" adətən üçüncü və ya dördüncü rübdə əməliyyat sistemi yeniləmələrini buraxır, lakin bu dəfə şirkət yeni flaqman smartfonların təqdimatı ilə üst-üstə düşmək üçün "Android 16"nı daha tez buraxmağı planlaşdırır.

İlk "Android 16" xüsusiyyət yeniləməsi 2025-ci ilin üçüncü rübündə gözlənilir və dördüncü rübdə yeni API ilə yenilənmiş quruluş təqdim ediləcək. Bu dəyişikliklər tərtibatçılar üçün əlavə xərclər yaratmadan innovasiyaları sürətləndirməyə və bütün buraxılışların keyfiyyətini yaxşılaşdırmağa yönəlib.

Mobil əməliyyat sisteminin hazırkı versiyası olan "Android 15" 2024-cü il oktyabrın ortalarında "Google Pixel" smartfonları üçün buraxılıb və digər istehsalçılar hələ də əməliyyat sisteminin stabil versiyalarını buraxmayıblar.

Paşa Məmmədli