Starbucks qəhvə şəbəkəsi soya, yulaf, badam və kokos südü üçün ödənişdən imtina edib. 

Valyuta.az xəbər verir ki, bu barədə CNN məlumat yayıb.

"Növbəti həftədən etibarən Starbucks müştəriləri artıq sifarişlərində ''bitki mənşəli süd'' əlavəsi üçün ödəniş etməyəcəklər", - deyə nəşr yazır.

Şirkət bildirib ki, süd alternativlərini istəyən müştərilər əvvəlkindən təxminən 10% az ödəniş edəcəklər.

İyun ayında, Rusiyada fəaliyyətini dayandırmış Starbucks-ın ölkədə bir neçə ticarət markasının qeydiyyatı üçün müraciət etdiyi barədə məlumat verilmişdi. Şirkət, Beynəlxalq Mal və Xidmətlərin Təsnifatına əsasən ''Starbucks coffee'', ''frappuccino'', ''Starbucks'' və digər brendləri qeydiyyatdan keçirməyi planlaşdırır.

2022-ci ilin mart ayında Starbucks Qərb sanksiyaları fonunda Rusiya bazarını tərk edib. Şəbəkə Rusiyadakı müəssisələrin idarəçiliyini repçi Timati və restoran biznesi ilə məşğul olan Anton Pinskaya təhvil verib. Müqavilənin məbləği təxminən 500 milyon rubl təşkil edib. Bu hadisədən sonra kafelər adlarını dəyişərək "Stars Coffee" adlandırılıb.

Nicat