Qlobal qızıl tələbi bu ilin üçüncü rübündə rekord səviyyəyə çatıb.

Valyuta.az xəbər verir ki, Dünya Qızıl Şurasının ilin üçüncü rübü üçün açıqladığı Qızıl Tələb Tendensiyaları hesabatına görə, bu dövrdə qlobal qızıl tələbatı 1 313 ton olub. Belə ki, dünya qızıl tələbi ilin üçüncü rübündə illik müqayisədə 5 faiz artıb. Qızıl tələbindəki güclü artım qiymətlərdə də özünü göstərib. Bu dövrdə tələbin dəyəri illik müqayisədə 35 faiz artaraq ilk dəfə 100 milyard dolları keçib. İlin üçüncü rübündə qızıl qiymətləri ardıcıl rekordlar qırıb. Bu dövrdə orta qiymət keçən ilin eyni dövrü ilə müqayisədə 28 faiz yüksək olub və bu dövrdə orta unsiya qiyməti 2 min 474 dollar olub.

HƏMÇİNİN BAX: Qızıl yenə bahalaşdı - Tarixi rekord

Qızılla dəstəklənən birja fondları tələbin artımının əsas amillərindən biri kimi önə çıxdı və investorların təhlükəsiz sığınacaq kimi təsvir etdiyi qızılın bazar mövqeyi gücləndi. Digər tərəfdən, külçə və sikkə investisiyaları üçüncü rübdə illik müqayisədə yüzdə 9 azaldı. Hindistanda güclü artıma baxmayaraq qızıl zinət əşyalarına tələb də illik bazda 12 faiz azalıb. Mərkəzi bankların qızıl alış sürəti üçüncü rübdə yavaşlayıb və 186 ton səviyyəsində olub.

Süni intellekt və texnologiya da qızılın istifadəsini dəstəkləməyə davam etdi. Bu dövrdə texnologiyada qızıldan istifadə illik müqayisədə 7 faiz artıb.

Əvəz Həsənov