"Adidas"ın ən böyük səhmdarlarından biri olan Groupe Bruxelles Lambert (GBL), alman idman geyimləri şirkətindəki payını 3.51%-ə endirib. 

Valyuta.Az xəbər verir ki, bu barədə məlumat "Adidas"ın baş ofisi tərəfindən çərşənbə axşamı təqdim edilən sənədlərdə açıqlanıb.

Milyarderlər Frere və Desmarais ailələrinin investisiya holdinqi olan GBL, iyulun 31-də öz payını 7.6%-dən 5.1%-ə endirdiyini elan etmişdi.

"Adidas" səhmləri ötən il güclü bir performans nümayiş etdirdi və 2024-cü ilin əvvəlindən etibarən 16% artıb.

GBL-in sözçüsü çərşənbə axşamı Reuters-ə göndərdiyi e-poçtda bildirib: “Bir sıra səhmləri satdıq, lakin şirkətə, onun idarəetməsinə və strategiyasına dəstəyimizi təsdiq edirik”.

Aydın