Boeing şirkəti bazar ertəsindən etibarən 15 milyard dollardan çox kapital cəlb etməyi planlaşdırır. 

Valyuta.az xəbər verir ki, bu məbləğə adi səhmlərin və məcburi konvertasiya edilən istiqrazların satışı vasitəsilə nail olunacaq. Bu vəsaitin toplanması Boeing-in hazırkı maliyyə vəziyyətini möhkəmləndirmək məqsədi daşıyır, çünki şirkət son dağıdıcı tətilin təsirindən maliyyə itkiləri ilə üzləşib.

Mənbənin bildirdiyinə görə, kapitalın bir hissəsi adi səhmlərin və konvertasiya edilə bilən imtiyazlı səhmlərin qarışıq satışından əldə ediləcək və tələb yüksək olarsa, ümumi məbləğ daha da arta bilər.

Ötən həftə Boeing-in mexanikləri tətili dayandırmaqla bağlı son təklifə qarşı təxminən iki-üç nisbətində səs verərək onu rədd ediblər. Bu tətil Boeing-in 737 MAX modelinin istehsalını dayandırıb. 

Bu ayın əvvəlində Boeing səhmlərin və borc öhdəliklərinin satışı ilə 25 milyard dollara qədər kapital cəlb etməyi planlaşdırdığını bəyan edib, çünki şirkətin investisiya səviyyəsində olan kredit reytinqi risk altındadır.

Xatırladaq ki, Boeing-in son təklifinə qarşı işçilərin 64%-i səs verib, bu da onun rədd edilməsi ilə nəticələnib.

23 oktyabr çərşənbə günü Boeing-in tətil edən işçiləri, maaşların dörd il ərzində 35% artırılmasını nəzərdə tutan yeni müqavilə təklifini səsə qoyublar. Bu qərar beş həftə davam edən tətilin sonlanmasına səbəb ola bilər.

Bundan əlavə, Boeing işçi heyətinin 10%-ni ixtisar edəcəyini açıqlayıb.

Nicat