ABŞ-da qaraciyərə zərər verən qablaşdırılmış su şirkətinə qarşı məhkəmə başa çatıb. 

Valyuta.az xəbər verir ki, şirkət 5,23 milyard dollar təzminat ödəyəcək.

Nevada məhkəməsi münsiflər heyəti 2021-ci ildə mağaza rəflərindən çıxarılmadan əvvəl müştərilərin qaraciyərinə zərər verdiyinə görə məsuliyyət daşıyan Las-Veqasda yerləşən keçmiş qablaşdırılmış su şirkətinə qarşı iddiaya baxıb.

Klark Kounti Bölgə Məhkəməsinin qeydlərinə görə, "AffinityLifestyles.com Inc." və "Real Water" markasına qarşı açılan səhlənkarlıq və məhsul məsuliyyəti ilə bağlı cinayət işi ilə bağlı qərar verilib. Münsiflər heyəti Hunter Braun və bir neçə digər iddiaçının tələvi ilə ümumilikdə 5,23 milyard milyard dollar cərimə təyin edib.

İddiaçıları təmsil edən vəkil Uill Kemp "Las Vegas Review-Journal"a deyib ki, o, "Real Water"ın sığorta şirkətinin şirkəti müflis elan etdiyi üçün zərərin ödənilməsinə qarşı çıxacağını gözləyir.

Affinitylifestyles.com saytını 2016-2018-ci illərdə Respublikaçı Nevada Ştat Assambleyasının üzvü kimi çalışmış Brent Cons idarə edib. Cones və şirkətin vəkilləri cümə axşamı açıqlama verməkdən imtina ediblər. 

Münsiflər daha əvvəl şirkətə qarşı ayrı-ayrı qərarlar çıxararaq, iddiaçılara iyunda təqribən 3,1 milyard dollar, fevralda 130 milyon dollar və 2023-cü ilin oktyabrında 228 milyon dollar təzminat ödəməyi tələb ediblər. Münsiflərə "Real Water"da aparılan sınaqlarda raket yanacağında istifadə edilən hidrazin kimyəvi maddəsi tapıldığı və onun qablaşdırmadan əvvəl təmizlənmə zamanı qarışdırılmış ola biləcəyi bildirilib.

Müdafiəçilər deyib ki, şirkət suda hidrazin olduğunu və onu necə yoxlamaq lazım olduğunu bilmədiyi üçün diqqətsizlik etməyib, bilmədən səhlənkarlıq edib. Uill Kemp şirkətə qarşı davam edən bir sıra digər mülki məhkəmələrdə iddiaçıları təmsil edir.

Paşa Məmmədli