"Boeing" şirkəti, üçüncü rübün maliyyə nəticələrini elan edərək, tətil edən işçilərin bu gün keçirəcəyi səsvermədən əvvəl şirkətin qarşılaşdığı qeyri-sabit vəziyyəti bir daha nümayiş etdirdi.

Şirkət, 6,17 milyard dollar xalis zərər etdiyini açıqladı və bununla da 2024-cü ildə indiyə qədərki ümumi zərərinin təxminən 8 milyard dollara çatdığını bildirdi.

Valyuta.Az "Boeing"-in hesabatına istinadla xəbər verir ki, əməliyyatlar nəticəsində yaranan nağd pul axını da mənfi olub və -1,345 milyard dollar təşkil edib.

Şirkət, keçən ilin eyni dövrü ilə müqayisədə gəlirinin təxminən 1% azalaraq 17,8 milyard dollar olduğunu açıqlayıb.