Beynəlxalq Valyuta Fondu (BVF) avrozonada iqtisadi artımın azalacağını proqnozlaşdırıb. 

Valyuta.az xəbər verir ki, bu barədə BVF-nin dünya iqtisadiyyatının inkişaf perspektivlərinə dair hesabatında deyilir.

Sənədə əsasən, 2023-cü ildə avrozona iqtisadiyyatı 0,4%, 2024-cü ildə artımı 0,8%, 2025-ci ildə isə 1,2% ola bilər.

Hesabata görə, Almaniya iqtisadiyyatı 2024-cü ildə dəyişməz qalacaq, lakin 2025-ci ildə 0,8% artacaq. BVF-nin hesablamalarına görə, Fransada iqtisadi artım həm 2024, həm də 2025-ci illərdə 1,1% olacaq. İtaliyada  - 2024-cü ildə 0,7% və 2025-ci ildə 0,8%, İspaniyada isə  2024 -cü ildə 2,9% və 2025-ci ildə 2,1% təşkil edəcək.

Fond cari ilin mülayim dinamikasını gözləniləndən daha yaxşı ixrac göstəriciləri ilə izah edib. Mütəxəssislərin fikrincə, real əmək haqqının artması istehlakın artmasına səbəb olacaq, pul siyasətinin yumşaldılması isə investisiyaları dəstəkləyəcək.

Oktyabrın 17-də Macarıstanın baş naziri Viktor Orban bildirib ki, Avropa İttifaqında enerji tutumlu sənayelər Rusiyanın enerji resurslarından imtina etməsi səbəbindən istehsal həcminin 10-15%-ni itirib.

Oktyabrın 22-də Amerika reytinq agentliyi Fitch Ratings Fransa iqtisadiyyatının defolt riskini etiraf edib. Onun sözlərinə görə, ötən il Fransanın büdcə kəsiri ÜDM-in 5,5%-ni təşkil edib, bu il isə ekspertlər ən azı 6% gözləyirlər.

Nicat