Türkiyənin "Halkbank"ı İranın Amerika sanksiyalarından yayınmasına kömək etməsi iddiaları ilə bağlı ABŞ-ın məhkəmə qərarından verdiyi apelyasiya şikayəti rədd edilib.

Valyuta.Az "Reuters"-a istinadən xəbər verir ki, Manhettendəki 2-ci ABŞ Apellyasiya Məhkəməsi, "Halkbank"ın ABŞ-da məhkəmə məsuliyyətindən azad olunması üçün heç bir əsas tapılmadığını bildirib.

ABŞ prokurorları 2019-cu ildə "Halkbank"ı İran, Türkiyə və Birləşmiş Ərəb Əmirliklərində sanksiyalardan yayınmaq üçün pul xidməti təminatçıları və saxta şirkətlərdən istifadə etməkdə ittiham etmişdilər.

Prokurorlar "Halkbank"ın İranın 20 milyard dollarlıq bloklanmış vəsaitlərini gizli şəkildə köçürməsinə yardım etdiyini, neft gəlirlərini İranın maraqları üçün qızıla və nağd pula çevirdiyini, həmçinin neft gəlirlərinin transferini qanuniləşdirmək üçün saxta ərzaq daşımalarını sənədləşdirdiyini iddia ediblər.

Halkbank isə bank fırıldağı, çirkli pulların yuyulması və sui-qəsd ittihamlarını qəbul etməyib.

Aydın