İlin birinci yarısının nəticələrinə görə, Rusiyanın mayeləşdirilmiş təbii qazının (LNG) Avropa İttifaqına idxalındakı payı 2023-cü ilin eyni dövründəki 14%-dən 20%-ə yüksəlib. 

Valyuta.az xəbər verir ki, bu barədə Bloomberg Enerji Tənzimləyiciləri Əlaqələndirmə Agentliyinin (ACER) məlumatlarına istinadən yazır.

Yanvar-iyun dövrü üzrə lider ABŞ olaraq qalıb və onların idxalda payı 45% səviyyəsində sabit olub. Bununla yanaşı, Aİ-nin üçüncü ən böyük qaz tədarükçüsü olan Qətərin payı il ərzində 14%-dən 12%-ə enib. Eyni zamanda Nigeriyanın tədarükləri də azalıb — onun payı 7%-dən 5%-ə düşüb.

Qeyd edək ki, Avropa İttifaqının Rusiya ilə bağlı 15-ci sanksiya paketinin əsasən enerji resursları, xüsusən də LNG ixracına qarşı yönələcəyi məlum olub. Birliyə üzv dövlətlər yeni məhdudiyyətlər paketini yanvar ayında hazırlamağa başlamağı planlaşdırırlar.

Nicat