Ukrayna, İranın "Şahed"lərini ələ keçirmək üçün “Sting” adlı pilotsuz təyyarə istehsal edib.

Valyuta.az xəbər verir ki, bu barədə The Telegraph yazır.

Bildirilir ki, yeni silah, Ukrayna şəhərlərini Rusiya bombardmanlarından qorumaq üçün adi hava hücumundan müdafiə vasitələri əvəzinə, “Shahed” 136-nı izləmək və ələ keçirmək üçün istifadə ediləcək.

İstehsalçılar, Wild Hornets qrupu, dronun 160 km/saatdan çox sürətlə 3 km hündürlükdə uça biləcəyini bildirir.

Sting klassik kvadrokopter quruluşuna malikdir və mərkəzdən çıxan böyük qübbəsi var, burada döyüş başlığı və kamera yerləşdirilib.

O, virtual reallıq eynəkləri vasitəsilə yerdən idarə ediləcək ki, bu da operatora uçuş istiqamətini dəqiq görməyə imkan verir. Gələcəkdə isə pilotsuz təyyarə, hədəfləri müəyyən etmək üçün süni intellektlə təchiz ediləcək.

Nəşr qeyd edir ki, bu cür pilotsuz təyyarələr döyüş meydanında yüksək və yavaş uçan Rusiya kəşfiyyat dronlarını ələ keçirmək üçün istifadə olunur. Lakin “Sting” xüsusi olaraq İranın "Şahed"ləri ilə mübarizə aparmaq üçün hazırlanmış ilk pilotsuz təyyarə olacaq.

Wild Hornet qrupundan mənbə bildirir ki, “Sting” dronunun orta qiyməti, "Şahed"dən onlarla dəfə aşağıdır.

Nəşr vurğulayır ki, "Şahed"ləri məhv etmək üçün ucuz kamikadze dronlardan istifadə edilməsi Ukraynanın hava hücumundan müdafiə raketlərinin ehtiyatlarını qorumağa kömək edəcək.

Nicat