"Amazon Web Services"in baş direktoru Matt Qarman uzaqdan işləyən işçilərə qarşı sərt mövqe tutaraq, onları ya ofisə qayıtmağa, ya da işdən çıxmağa çağırıb. 

Valyuta.az xəbər verir ki, bu barədə "TechCrunch" portalı məlumat yayıb.

Qarman vurğulayıb ki, yeni beş günlük ofis iş siyasətini bəyənməyənlər üçün uzaqdan iş təklif edən başqa şirkətlər də var.

"Amazon"un baş direktoru Endi Cessi daha əvvəl bildirmişdi ki, 2025-ci ildən etibarən "Amazon" işçilərindən ofisdə tam iş günü işləmək tələb olunacaq.

Qeyd edək ki, ən böyük İT şirkətləri uzaqdan və hibrid işlərdən fəal şəkildə imtina edirlər. Bu tendensiya oyun sənayesində də müşahidə olunur. Məsələn, jurnalist Tom Hendersonun sözlərinə görə, "Ubisoft Milan"ın bir neçə əməkdaşı həftədə ən azı üç gün ofisdə işləmək tələbi ilə əlaqədar şirkətdən ayrılıb. Buna səbəb işçilərin Milanda yaşamağa imkanının olmamasıdır, çünki bura çox bahadır.

Paşa Məmmədli