Ən böyük Qərb bankları Rusiya bazarını tərk etmək imkanlarını itirirlər. 

Valyuta.az xəbər verir ki, bu barədə "Bloomberg" vəziyyətlə tanış olan mənbələrə istinadən yazıb.

Rusiya hökuməti "UniCredit" və "Raiffeisen Bank International"ın sanksiyalara məruz qala biləcək alıcılara yerli bölmələrini satmaq cəhdlərinin qarşısını almaq niyyətindədir. Əbu Dabi suveren fondu "Mubadala Investment", ABŞ hakimiyyətinin mümkün müqaviməti səbəbindən 2023-cü ildə "UniCredit"in Rusiya biznesinin potensial satın alınmasından imtina edib.

Mənbələrin məlumatına görə, Rusiya hökuməti xarici şirkətlərin Rusiya bazarından çıxması üçün qaydaları sərtləşdirib. İndi satıcılar əvvəlki 50% əvəzinə 60% endirim təqdim etməlidirlər və çıxış vergisi 35%-ə qədər artırılıb. 50 milyard rubldan çox əməliyyatlar. prezidentin təsdiqi tələb olunur.

Rusiya Bankı Qərb banklarına beynəlxalq ödənişlər üçün vacib kanallar kimi baxır. "UniCredit" və "Raiffeisen" sanksiyalara məruz qalmayan hallarda xarici valyutada əməliyyatlar aparmağa davam edir.

"Çıxışımızı sürətləndirmək üçün bir fürsət olsaydı, bunu edərdik", deyə "UniCredit"in baş direktoru Andrea Orsel bildirib.

"Citigroup" Rusiyada demək olar ki, bütün institusional bank əməliyyatlarını başa vurub. Üçüncü rübün sonunda bankın ölkədəki ümumi riski 9,1 milyard dollar təşkil edib ki, bunun da 80%-dən çoxu köçürülməyən Rusiya korporativ dividendləri olub.

Paşa Məmmədli