Avropanın dövlət poçt operatorları assosiasiyası PostEurop Rusiyanı və Belarusun üzvlüyündən tamamilə çıxarıb. 

Valyuta.az xəbər verir ki, bu qərarı PostEurop-un Baş Assambleyası 16 oktyabrda Belqradda qəbul edib, məlumatı Ukrpoçta mətbuat xidməti yayıb.

Assosiasiya tarixində bu, konkret ölkələrin üzvlüyünün dayandırılması üçün ilk haldır. “Avropa poçt operatorları tərəfindən səs verilən sanksiyalar Rusiyanı və Belarusun PostEurop-da beynəlxalq poçt təşəbbüslərində iştirak etmə imkanından, xüsusilə logistika və gömrük sahələrində əməkdaşlıqdan məhrum edir”, - deyə Ukrpoçta açıqlayıb. 

PostEurop 1993-cü ildən Avropanın poçt operatorlarını təmsil edən assosiasiyadır. Bu, Ümumdünya Poçt İttifaqı (ÜPİ) çərçivəsində rəsmi şəkildə tanınan regional bir ittifaqdır. Onun 55 üzvü 53 ölkə və ərazidə 175,000 poçt şöbəsini kollektiv şəkildə idarə edir, 2 milyon insanı işlə təmin edir və gündəlik olaraq 800 milyon poçt xidməti istifadəçisini birləşdirir.

Nicat