Yanvar-sentyabr aylarının nəticələrinə görə, Rusiya Hindistana 6,1 milyon ton energetik kömür tədarük edib. Bu, 2023-cü ilin eyni dövrü ilə müqayisədə ixracın 26% azalması deməkdir. 

Valyuta.az xəbər verir ki, bu barədə "Vedomosti" qəzeti Hindistanın Bigmint analitik agentliyinin məlumatlarına istinadən yazır.

Ən böyük azalma birinci rübdə baş verib - 43%, yəni 1,5 milyon tona qədər. Növbəti altı ay ərzində ixrac daha 18% azalaraq 4,6 milyon tona çatıb.

Rusiya Hindistan bazarında kömür tədarükçüləri arasında ilk beşliyə daxildir, lakin İndoneziya, CAR (Cənubi Afrika Respublikası) və ABŞ-dan geri qalır. Üç rübün nəticələrinə görə, Hindistan digər ölkələrdən ümumilikdə 37,8 milyon ton kömür alıb ki, bu da 12% artım deməkdir.

Rusiyanın kömür ixracı xarici bazarlarda tədarük şərtlərinin pisləşməsi fonunda azalır. Söhbət nəqliyyat tariflərinin və çıxarma xərclərinin artmasından, eləcə də qlobal enerji daşıyıcılarının qiymətlərinin enməsindən gedir. Nəticədə ixrac Rusiyanın kömür sənayesinə zərər gətirməyə başlayıb.

Nicat