Moldova parlamenti yaxınlarda 2025-ci il üçün vergi dəyişikliklərini təsdiqləyib ki, bu da adi siqaretlər və tütünqızdırıcı cihazlar üçün nəzərdə tutulmuş tütün çubuqlarına fərqli vergi dərəcələrinin tətbiqini nəzərdə tutur.

Valyuta.az xəbər verir ki, Moldovanın Maliyyə Nazirliyinə görə, bu qərar aksiz siyasətinin Avropa İttifaqı ölkələrinin təcrübəsinə uyğunlaşdırılması məqsədi daşıyır.

Vergi dəyişikliklərinə əsasən, elektron siqaretlər üçün kartuşlar və rezervuarlar üzərində aksiz vergisi 15% artırılacaq (2690,87 ley/dan 3094,50 leyə qədər litr üçün). Eyni zamanda, 2025-ci ildə tütün qızdırıcı cihazlar üçün tütün çubuqlarına tətbiq olunan aksiz vergisi 5% artırılacaq (1000 ədəd üçün 1318,62 ley/dan 1384,55 leyə qədər), adi siqaretlərə tətbiq olunan minimal aksiz isə 10% artacaq (1000 ədəd üçün 1318,62 ley/dan 1450,48 leyə qədər). Beləliklə, 2025-ci ildə adi siqaretlər və tütün çubuqları arasında aksiz fərqi 5% təşkil edəcək. Qeyd etmək lazımdır ki, 2026-cı ildə bu dərəcələrin eyni sürətlə artırılması planlaşdırılır və bu da onların arasında artıq 10% fərq yaradacaq.

Dəyişikliklər tütün məmulatlarına və əlaqədar mallara tətbiq olunan aksiz siyasətinin Avropa İttifaqının təcrübəsinə uyğunlaşdırılması zərurəti ilə bağlıdır.

Nicat