Arqon Milli Laboratoriyasının amerikalı alimləri tullantı sularını dayanıqlı aviasiya yanacağına çevirmək üçün yeni texnologiya hazırlayıblar. 

Valyuta.az xəbər verir ki, tədqiqat "ACS Sustainable Chemistry & Engineering" (ACS SCE) elmi jurnalında dərc olunub.

Komanda pivə və süd zavodlarından yüksək konsentrasiyalı tullantı sularını uçucu yağ turşularına çevirən və daha sonra biokerosenə çevrilə bilən metan dayandırma anaerob həzm (MAAD) adlı üsulu sınaqdan keçirib.

Anaerob həzm biokütləni metana, sonra isə bioyanacaqlara çevirmək üçün qurulmuş bir üsuldur. MAAD uçucu yağ turşularının (məsələn, butirik turşusu) və laktik turşunun istehsalına diqqət yetirir.

Layihənin müəlliflərinin fikrincə, onların təklif etdiyi üsul tullantı sularından karbonu çıxarmaqla aviasiya sənayesinin istixana qazı emissiyalarını 70% azalda bilər, çünki karbon laktik turşunun əmələ gəlməsinə mane olur. Eyni zamanda, kanalizasiya sularından yanacağın qiyməti adi neft əsaslı aviasiya kerosininin qiyməti ilə müqayisə oluna bilər.

Paşa Məmmədli