“Sibirin Gücü” boru kəməri ilə Çinə Rusiya qazının tədarükü 2024-cü il üçün ilkin planı 1 milyard kubmetrdən çox üstələyəcək.

Valyuta.az xəbər verir ki, bunu “Qazprom”un İdarə Heyətinin sədr müavini Vitali Markelov bildirib. 

“Biz Çinə qaz tədarükünü artırdıq. Bu il biz “Qazprom”un Çin Xalq Respublikasına müqavilə öhdəliklərindən bir milyard kubmetrdən çox qaz tədarük edəcəyik", deyə sədr müavini bildirib.

Cari il üçün Rusiya qazının "Sibirin gücü" vasitəsilə Çinə tədarükünün müqavilə həcmi 30 milyard kubmetrdir. Dekabr ayından etibarən kəmərin ildə 38 milyard kubmetrlik tam ixrac gücünə çatması planlaşdırılır.

Hazırda Çin Rusiyadan təxminən 6 milyard kubmetr LNG müqaviləsi imzalayıb. Arctic LNG-2 layihəsindən ixracın artımını və tədarükün bir hissəsinin Avropa bazarından yönləndirilməsini nəzərə alsaq, 2030-cu ilə qədər tədarükün ümumi həcmi 85 milyard kubmetrə çata bilər, analitiklər proqnozlaşdırırlar.

Paşa Məmmədli