Rumıniyadan olan Avropa Parlamenti üzvü Mixay Tudosun sözlərinə görə, Avropa İttifaqına daxil olan ölkələrin vətəndaşları enerji qiymətlərinin kəskin artımı səbəbindən enerji yoxsulluğu vəziyyətindədirlər. 

Valyuta.az xəbər verir ki, bu barədə Tudosun Avropa Komissiyasına müraciətində qeyd edilir.

Tudosun sözlərinə əsasən, Avropanın 53% vətəndaşı Avropa İttifaqından enerji yoxsulluğunda yaşayan ev təsərrüfatlarına kömək etməyi tələb edir. Eyni zamanda, Aİ vətəndaşlarının yalnız dörddə biri hakimiyyətin enerji qiymətlərini daha əlçatan etmək üçün kifayət qədər tədbir gördüyünü düşünür.

Tudos həmçinin vurğulayıb ki, bir çox istehlakçı artıq evləri izolyasiya etməklə və günəş panelləri quraşdırmaqla yeni enerji istehlakı modelinə uyğunlaşmağa başlayıb.

Ekspertlər isə xəbərdarlıq edirlər ki, dünyadakı enerji böhranı mayeləşdirilmiş təbii qaz (LNG) layihələrinin gecikməsi səbəbindən uzun müddət davam edə bilər.

Nicat