Rusiya şirkətlərinin yarıdan çoxu (53%) əcnəbi işçi çatışmazlığından xəbər verib və 46%-i miqrantların cari işə qəbul həcmindən “müəyyən dərəcədə” razı olduqlarını qeyd edib. 

Valyuta.az xəbər verir ki, bunu “Kommersant” saytının sorğusuna istinadla yazıb.

Araşdırmaya görə, mavi yaxalılar (53%), tikinti işçiləri (35%), xətlərə qulluq edən işçilər (25%) və istehsalat işçiləri (23%) ən çox tələb olunanlar olaraq qalır.

Eyni zamanda, Rusiya şirkətləri ən çox MDB və Aİİ ölkələrindən olan işçiləri işə götürür (48%). Həmçinin Avropa İttifaqı və Asiya ölkələrindən (Çin, Şimali Koreya, Vyetnam, Tailand, Kamboca və s.) işçi qüvvəsi var. Afrika (CAR, Nigeriya, Zimbabve və s.) və Yaxın Şərq (BƏƏ, İordaniya, İsrail və s.) ölkələrinin hər biri 10% təşkil edir.

Rusiya Sənayeçilər və Sahibkarlar İttifaqının (RSPP) analoji sorğusunda şirkətlərin üçdə ikisi miqrant işçiləri cəlb etməkdə çətinlik çəkdiyini bildirib. Onlardan 56%-i əsas problemi əmək bazarında lazımi mütəxəssislərin olmaması, 38%-i isə vakant yerlərə iddiaçıların rus dili imtahanından keçə bilmədiyini bildirib.

Demək olar ki, hər beşinci şirkət (19%) regionlar tərəfindən işə götürmə məhdudiyyətləri və ya regional səviyyədə miqrantların işə götürülməsinə birbaşa qadağa qoyulmasından şikayətlənib. Bundan əlavə, şirkətlərin 12%-dən çoxu miqrantlar üçün hökumət kvotalarının olmadığını, 6,3%-i isə yüksək ixtisaslı əcnəbilərin ölkəyə giriş icazəsi ala bilmədiyini bildirib.

Eyni zamanda, RSPP sorğusundan belə çıxır ki, şirkətlərin 82,8 faizində kadr çatışmazlığı müşahidə olunur. Çox vaxt (42% hallarda) təşkilatlar vakansiyaların 5-15%-ni doldura bilmirlər, təşkilatların 37%-i işçilərin 1-5%-i kəsiri olduğunu, 11% işçi heyətinin 15-30% arasında mütəxəssis çatışmazlığını deyib. Eyni zamanda, təşkilatların 40%-dən çoxu böyük dərəcədə aşağı ixtisaslı kadrların olmadığını bildirib.

Rusiyaya əmək miqrasiya axını koronavirus pandemiyası zamanı azalıb və 2022-ci ildə Ukraynada başlayan müharibə səbəbindən bir də bərpa olunmayıb. 2023-cü ildə Rusiya əmək bazarında əcnəbi əmək miqrantlarının sayı təxminən 3,5 milyon nəfər təşkil edib ki, bu da 2019-cu ildə pandemiyadan əvvəlki rəqəmdən demək olar ki, 1 milyon azdır.

“Crocus City Hall”da baş verən terror aktından sonra qeyri-qanuni miqrasiyaya qarşı mübarizənin gücləndirilməsi və miqrantların müharibəyə göndərilməsi ölkədə əcnəbi işçi qüvvəsinin çatışmazlığını artırıb.

Nicat