İspaniya və Fransada inflyasiyanın kəskin yavaşlaması fonunda Avropa Mərkəzi Bankının (ECB) oktyabr ayında pul siyasətini yumşaltması ehtimalı əhəmiyyətli dərəcədə artıb.

Valyuta.az "Bloomberg"ə istinadən xəbər verir ki, treyderlər ECB-nin əsas faiz dərəcələrini 25 əsas bənd azaltma şansının 80%-ə yüksəldiyini təxmin edirlər. Tənzimləyicinin iclası oktyabrın 17-də baş tutacaq.

Hazırda ECB-nin depozitlər üzrə dərəcəsi illik 3,5%, yenidən maliyyələşdirmə əməliyyatları üzrə dərəcəsi 3,65%, marja kreditləri üzrə 3,9% təşkil edir.

Sentyabrın sonunda İspaniyada istehlak qiymətlərinin artımı 1,7% təşkil edib ki, bu da 2023-cü ilin iyunundan bəri ən aşağı göstəricidir. Fransada inflyasiya bir ay əvvəl 2,2%-dən sonra sentyabrda 1,5% artıb. İtaliya və Almaniya inflyasiya məlumatlarını bazar ertəsi, sentyabrın 30-da açıqlayacaqlar.

Paşa Məmmədli