Rusiya neft və qaz hasilatını nəzərəçarpacaq dərəcədə azaldacaq

İlin sonunda Rusiyada neft və qaz kondensat hasilatının 515-521 milyon ton diapazonunda olacağı gözlənilir ki, bu da 2023-cü illə müqayisədə təxminən 2-3% aşağıdır. 

Valyuta.az xəbər verir ki, bunu Rusiya Federasiyası baş nazirinin müavini Aleksandr Novak deyib. 

Müqayisə üçün qeyd edək ki, ötən il Rusiya Federasiyasında neft və qaz kondensatı hasilatının həcmi 530,6 milyon ton təşkil edib.

"Bu diapazonda 515-dən 521-ə (milyon tona) qədər hesablamalar var", deyə Novak Rusiya Federasiyasında cari il üçün neft və kondensat hasilatı proqnozu ilə bağlı sualı cavablandırarkən bildirib.

Rusiyanın sosial-iqtisadi inkişafının əsas proqnozu bu il istehsalın 523 milyon tona qədər azaldılmasını nəzərdə tuturdu. Azaltma OPEC+ razılaşmaları çərçivəsində həyata keçirilir.

2023-cü ilin sonunda Rusiyada neft və qaz kondensatı hasilatı 0,9% azalaraq 530,6 milyon tona düşüb. Ölkənin sosial-iqtisadi inkişafı ilə bağlı proqnoz 2024-cü ildə bu göstəricinin daha da azalacağını - baza halda 523 milyon tona qədər olacağını nəzərdə tuturdu.

Sentyabrın əvvəlində neftin qiyməti 2021-ci ilin dekabrından bəri ilk dəfə bir barel üçün 70 dollardan aşağı düşüb. ABŞ-da tənəzzül riskləri və tələbin yavaşlaması yanacaqlara əsaslı təsir göstərir. 

Paşa Məmmədli