Rusiya Mərkəzi Bankının informasiya təhlükəsizliyi departamentinin direktoru Vadim Uvarov bildirib ki, banklar oğurlanmış vəsaitlərin müştərilərə qaytarılması haqqında yeni qanunun ilk günündə 30 min şübhəli hesabı bloklayıblar. 

Valyuta.az xəbər verir ki, bu barədə RBC məlumat yayıb.

Mərkəzi Bankın məlumatına görə, Rusiyada sistem əhəmiyyətli banklar şübhəli fəaliyyətlə bağlı məlumatların daxil olması səbəbindən hər gün 20 mindən çox köçürməni dondurur.

İyul ayında Rusiya Bankının rəhbəri Elvira Nabiullina tənzimləyicinin yaşlı insanları fırıldaqçılardan qorumaq üçün əlavə tədbirləri müzakirə etdiyini bildirib.

2024-cü il iyulun 25-dən Rusiya bankları fırıldaqçılar tərəfindən oğurlanan pulları müştərilərinə qaytarmaq üçün yeni sxemdən istifadə etməyə başlayıblar. Bəzi hallarda banklardan 30 gün ərzində oğurlanmış vəsaitlərin tam dəyərini müştərilərə qaytarmaq tələb olunacaq. Bu, bank Mərkəzi Bankın xüsusi məlumat bazasında yerləşən saxta hesaba pul köçürməsinə icazə verdikdə və ya bank müştərinin razılığı olmadan köçürmə barədə müştəriyə bildiriş göndərmədikdə baş verir. Bundan əlavə, müştəri bank kartının itirilməsi barədə məlumat verərsə, bank vəsaiti geri qaytarmağa borcludur.

Nicat