Cənubi Afrika Respublikasının (CAR) elektrik və energetika naziri Kqosientşo Ramokqopa bildirib ki, onun ölkəsi Rusiya prezidenti Vladimir Putinin qlobal mineral bazarlarını tənzimləyən resurs ittifaqları yaratmaq təşəbbüsünü dəstəkləyir. 

Valyuta.az xəbər verir ki, o, bu barədə "İzvestiya" ya müsahibəsində bildirib.

Nazirin sözlərinə görə, Cənubi Afrika öz istehsal gücünü genişləndirməyə çalışır. O, qeyd edib ki, respublikanın “resursların analoji həcminə” malik olanlarla əməkdaşlıq etməsi xeyirli olacaq.

“Bu, təbii sərvətləri başqa ölkələrə ixrac etmədən hasilatdan ən yaxşı şəkildə necə faydalanmağı başa düşmək üçündür. Buna görə də biz prezident Putinin təklif etdiyi ilə razıyıq”, - Ramokqopa nəşrin Rusiya Federasiyası və Cənubi Afrikanın dünyada platin və palladium istehsalının təxminən 80%-nə nəzarət etməsi barədə məlumatlarını şərh edərkən bildirib.

Sentyabrın 11-də Putin Rusiya hökumətinə Rusiya Federasiyasından uran, titan və nikel kimi xammalın ixracına məhdudiyyətlər barədə düşünməyi  təklif edib.

Dövlət başçısı qeyd edib ki, Rusiya strateji xammal ehtiyatlarına görə liderdir. Onun fikrincə, ölkəyə bir sıra malların tədarükü məhdud olduğundan, Rusiya Federasiyası “müəyyən məhdudiyyətlər haqqında düşünməlidir”. 

Nicat