Norveçin Vadso şəhərinin meri Vençe Pedersen Avropa Komissiyasından bölgədə 26 saatlıq iş gününün yaradılmasına icazə istəyib. 

Valyuta.az xəbər verir ki, bu barədə “Politico” məlumat yayıb.

Mer deyib ki, dəyişiklik insanların ailə ilə keçirdiyi vaxtı artırmaq və bölgəyə yeni sakinləri cəlb etmək məqsədi daşıyır. Pedersen ümid edir ki, Avropa Komissiyası hökumətə yeni saat qurşağının yaradılmasına icazə verilməsi barədə göstəriş verəcək. O, bu təklifin xüsusilə azyaşlı uşaqları olan ailələr üçün cəlbedici ola biləcəyini vurğulayıb.

Lakin mer etiraf edib ki, bu dəyişikliyin konkret detalları və həyata keçirilməsi mexanizmi hələ işlənməyib. "Tələbimizin təmin ediləcəyinə əmin deyiləm, ona görə də bütün detalları düşünməmişik", deyə Pedersen bildirib.

Avropa Komissiyasının nümayəndəsi qeyd edib ki, saat qurşaqları məsələsi hər bir dövlətin ixtiyarında qalır, ona görə də Avropa İttifaqının bu regionun xahişini dəstəkləyəcəyi ehtimalı azdır.

Paşa Məmmədli