Ukrayna Prezidenti Volodimir Zelenski “Ukraynanın bəzi qanunvericilik aktlarına səhmdarı (təsisçisi, iştirakçısı) dövlət olan hüquqi şəxslərin korporativ idarəçiliyinin təkmilləşdirilməsi ilə bağlı dəyişikliklər edilməsi haqqında” 5593-d saylı Qanunu imzalayıb.

Valyuta.az xəbər verir ki, İqtisadiyyat Nazirliyindən verilən məlumata görə, iş 8 il davam edib.

 “Prezident dövlət müəssisələrinin korporativ idarəetmə qaydalarını müəyyən edən qanun imzalayıb. Bu, bizə korporativ islahatları yeni səviyyəyə qaldırmağa və 8 ildir davam edən işləri genişləndirməyə imkan verir. Bu həm də investorlar üçün mühüm siqnaldır ki, bu da Ukraynanın sivil dünya üçün başa düşülən qaydalara uyğun hərəkət edəcəyini sübut edir”, - deyə baş nazirin birinci müavini – Ukraynanın iqtisadiyyat naziri Yuliya Sviridenko qeyd edib.

Qanun hökumətin ictimai mülkiyyət siyasətini hazırlamasını nəzərdə tutur. Bu, dövlətin hansı məqsədlə müəssisələrin sahibi olduğunu, hansı şirkətlərin strateji olduğunu və dövlət mülkiyyətində qalmasının vacibliyini, hansıların özəlləşdirməyə verilməsini müəyyən edən strateji sənəddir.

Strateji şirkətlər üçün səhmdar və Maliyyə Nazirliyi gəlirlilik, likvidlik və ödəmə qabiliyyəti göstəriciləri ilə gözlənti məktubları vasitəsilə tələblər müəyyən edəcəklər.

Müşahidə şuraları bu hədəflərə necə nail olacağına qərar verəcək. Bundan əlavə, müşahidə şuraları şirkət rəhbərlərini vəzifəyə təyin və vəzifədən azad edə biləcək. Daxili nəzarət sistemi yaradılır; audit komissiyalarının əvəzinə effektiv alətlər olacaq: uyğunluq, risklərin idarə edilməsi, daxili audit. Hökumət bunun əvəzinə müşahidə şuralarının fəaliyyətinin qiymətləndirilməsi prosedurunu və mükafatların müəyyən edilməsi prosedurunu işləyib təsdiq etməlidir.

Qanunda, həmçinin müşahidə şuraları üzvlərinin vəzifədən azad edilməsinin əsaslarının və prosedurunun dəqiq siyahısı göstərilir. İqtisadiyyat Nazirliyi qeyd edib ki, qanunun qəbulu BVF ilə Avropaya inteqrasiya prosesi və proqramın tərkib hissəsidir. Qanun Ukraynanı OECD standartlarına yaxınlaşdırır və onları müharibə dövrü tələbləri ilə balanslaşdırır.

Əvvəllər bildirilmişdi ki, dövlət şirkətlərində müşahidə şuralarının formalaşdırılması 2015-ci ilin iyulunda başlanmış korporativ idarəetmə islahatında nəzərdə tutulub. O zaman iqtisadiyyat naziri Aivaras Abromaviçius dövlət şirkətlərini korrupsiyanın əsas generatoru adlandırmışdı. O, həmçinin korporativ idarəetmə islahatının təşəbbüskarı olub.
2016-cı ilin iyununda Ali Rada dövlət şirkətlərini müşahidə şuraları yaratmağa məcbur edən qanun qəbul edib, burada dövlət nümayəndələri ilə yanaşı, müstəqil direktorlar da olmalıdır.

2018-ci ildə eyni tələblər dövlət bankları üçün də tətbiq edilib.

Korporativ islahatlar dövlət şirkətlərinin siyasi toxunulmazlıq almasını, top-menecerlərin isə siyasətçilərdən, oliqarxlardan və onların nəzarətçilərindən asılı olmayaraq müşahidə şurasının müsabiqəsi və müsahibəsi yolu ilə bazar maaşlarına təyin edilməsinə yönəlib.

Qanunun qəbulu Aİ-yə daxil olmaq və BVF-dən tranş almaq üçün şərtlərdən biridir. Həm də - Ukrayna Mexanizmi proqramı üçün Plan layihəsinin göstəricisidir. Nazirlik bildirib ki, qanun müharibə dövrü tələblərinin imkan verdiyi dərəcədə İqtisadi Əməkdaşlıq və İnkişaf Təşkilatı (İƏİT) prinsiplərini nəzərə alır.

Nicat