Argentinanın yeni seçilmiş prezidenti Xavyer Miley əvvəlki uğursuz səsvermədən sonra qanun layihəsinə və onun islahat paketinə parlamentdə baxılmasına davam etməmək qərarına gəlib. 

Valyuta.az xəbər verir ki, bunu Deputatlar Palatasında “Azadlıq gəlir” hökumət alyansının rəhbəri Oskar Saqo LN+ telekanalına açıqlamasında deyib.

"Qanun layihəsinə daha Konqresə göndərildiyi formada baxılmayacaq", - parlamentari jurnalistlərlə söhbətində aydınlıq gətirib.

Onun sözlərinə görə, Miley qanun layihəsini daha da dəyişdirməkdə heç bir məna görmür. Saqo istisna etmir ki, hökumət planlaşdırılan islahatları parlament vasitəsilə ayrıca qanun layihələri şəklində həyata keçirməyə qərar verəcək. Bu, martın 1-də başlayacaq növbəti sessiya zamanı baş verə bilər.

Deputatlar Palatası qanun layihəsinə bütövlükdə təsdiq edildikdən sonra fevralın 6-da maddə-maddə baxmağa başlayıb. Lakin sonradan görüş dayandırılıb. Bu, dövlət başçısına parlamentdən yan keçərək fəaliyyət göstərmək üçün xüsusi səlahiyyətlər verən maddələrin rədd edilməsi ilə bağlı olub. Sənəd parlament komissiyasında baxılmaq üçün geri qaytarılıb. Miley onların əleyhinə səs verən deputatları cinayətkar adlandırıb. Qanunvericilik təşəbbüsləri paketinin geri qaytarılması təşəbbüsü “Azadlıq gəlir” blokuna məxsus olub.

Argentina hökuməti keçən il dekabrın 28-də parlamentə hərtərəfli islahatlar haqqında qanun layihəsinin ilk variantını təqdim edib.

Fevralın 2-də Argentina Konqresinin binası yaxınlığında respublika prezidentinin təkid etdiyi islahatlara etiraz aksiyası keçirilib. Nəticədə asayiş keşikçiləri etirazçılara qarşı qaz və dəyənəklərdən istifadə edərək insanları yolun hərəkət hissəsindən səkiyə itələyiblər

Nicat