“Emirates” aviaşirkətinin prezidenti Tim Klark Boeing-i təyyarələrinin keyfiyyətinin sürətlə düşməsinə görə tənqid edib. 

Valyuta.az xəbər verir ki, o, bu barədə Financial Times-a müsahibəsində danışıb.

Klark Amerika korporasiyasının təyyarələrinin keyfiyyətinin düşməsinə işarə edərək, qapısı havada qopmuş Boeing 737 MAX-ın hadisəsini xatırladıb.

Qeyd edilir ki, o, ilk dəfə olaraq konsernin istehsal xətlərinə nəzarət etmək üçün öz mühəndislərini göndərməyi planlaşdırır, halbuki əvvəllər “buna icazə verilməzdi”.

Daha əvvəl Reuters xəbər vermişdi ki, Boeing ehtiyat hissələri tədarükçülərini kalibrləmə üçün xüsusi alətlərdən istifadə də daxil olmaqla, boltları daha yaxşı bərkitməyə çağırıb.

Həmçinin, Alaska Airlines-ın baş direktoru Ben Minicucci CBS News-a verdiyi müsahibədə bir çox Boeing təyyarələrində boltların kütləvi şəkildə boşalmasının aşkar edildiyini bildirib.

Nicat