Avropa İttifaqı Ukraynadan malların rüsumsuz idxalını daha bir il uzatmaq niyyətindədir, eyni zamanda avropalı fermerləri qorumaq üçün tədbirlər görür. 

Valyuta.az xəbər  verir ki, bu barədə RİA Novosti yazır.

Avropa Komissiyasının sözçüsü Erik Mamerin sözlərinə görə, azad idxalın uzadılması təklifi Avropa Komissarları Kolleci tərəfindən təsdiqləndikdən sonra təqdim olunacaq. O, avropalı fermerləri ucuz kənd təsərrüfatı məhsullarından qorumaq üçün bir sıra tədbirləri əhatə etməlidir.

Daha əvvəl bildirilmişdi ki, Fransa prezidenti Emmanuel Makron fevralın 1-də Avropa Komissiyasının rəhbəri Ursula fon der Leyen ilə görüşdə Ukraynadan kənd təsərrüfatı məhsullarının idxalı sahəsində Aİ-nin tədbirlərini müzakirə edəcək.

Bu arada Aİ-nin Ümumi Kənd Təsərrüfatı Siyasətinin keçmiş rəhbəri Jean-Luc Demarti deyib ki, Brüsselin Ukraynadan kənd təsərrüfatı məhsulları idxalına qapı açmaq qərarı “böyük səhvdir” və təcili olaraq geri qaytarılmalıdır.

Nicat